რა ელით სტარტაპერებს PowerPoint Karaoke-ზე? #vol.9

ტექნოპარკში 18 მარტს, 19:00 სთ-ზე გაიმართება სახალისო ღონისძიება PowerPoint Karaoke სტარტაპერებისთვის. 

"ყველასთვის, ვისაც საჯარო გამოსვლების, პრეზენტაციის უნარებისა და პიჩინგის გაუმჯობესება სურს – PowerPoint Karaoke • Tbilisi მოიცავს გართობას, ტრენინგს, სახალისო შეჯიბრსა და ნეთვორქინგს ძალიან მეგობრულ და არაფორმალურ გარემოში." – ვკითხულობთ ღონისძიების აღწერაში. 

ღონისძიების დაწყებამდე ორგანიზატორები მოამზადებენ PowerPoint-ის პრეზენტაციებს სხვადასხვა თემებზე (თემების შესახებ მონაწილეებს არაფერი ეცოდინებათ). თვითონ PowerPoint Karaoke-ს მსვლელობის დროს კი, მონაწილეებს მათთვის უცნობი და უცხო პრეზენტაციების წარგდენა მოუწევთ. 

ღონისძიება ტარდება საქართველოს ინოვაციების და ტექნოლოგიების სააგენტო / GITA-ს მხარდაჭერით . მისი მასპინძელია ტექნოპარკი საქართველო • Tech Park Georgia.