საქართველო ლონდონის წიგნის ბაზრობაზე | დღის ფოტო

ლონდონის წიგნის ბაზრობა ოფიციალურად 12 მარტს გაიხსნა და 14 მარტს დაიხურება.

ლონდონის წიგნის საერთაშორისო ბაზრობაზე საქართველო საკუთარი სტენდით არის წარმოდგენილი. უცხოელ დამთვალიერებელს შესაძლებლობა აქვს, გაეცნოს საზღვარგარეთ გამოცემულ ქართული ლიტერატურის უცხოენოვან თარგმანებსა და ქართველი გამომცემლების უახლეს წიგნებს.

ახალ თარგმანებზე ქართული წიგნის ეროვნული ცენტრი მთელი წლის განმავლობაში მუშაობდა. პროექტი კი, ცენტრისა და საქართველოს წიგნის გამომცემელთა და გამავრცელებელთა ასოციაციის ორგანიზებით განხორციელდა.

ქართული ლიტერატურის პოპულარიზაციის მიზნით, ქართული წიგნის ეროვნული ცენტრის დირექტორის მოადგილე მაია დანელია და ცენტრის ლიტერატურული პროგრამის მენეჯერი ნინო ნადიბაიძე ასოციაციის წარმომადგენლებთან ერთად, უცხოელ გამომცემლებს, ლიტერატურის კრიტიკოსებს, აგენტებსა და პარტნიორებს ხვდებიან.

 

წყარო: 1tv.ge

No Comments Yet

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>