#რაგბიჩვენითამაშია?

ლევან ჩილაჩავა

. როგორ, რა ასაკში, ვისი დამსახურებით დაუკავშირდა თქვენი ცხოვრება სპორტის ამ სახეობას?

ჩვენს უბანში რაგბის კლუბი იყო, სადაც ჩემი ძმაკაცი გიორგი ქუთათელაძე დადიოდა. ერთხელაც ინტერესის გამო გავყევი, ვნახავ, ერთი, რა არის-მეთქი. მივედი და დავრჩი.

. პირველი მნიშვნელოვანი წარმატება გაიხსენეთ.

ახალგაზრდულ ნაკრებში რომ ამიყვანეს და ტურნირის შემდეგ საფრანგეთში, ქალაქ ტულონში დამიტოვეს სათამაშოდ.

. ვინ არიან თქვენი ყველაზე დიდი გულშემატკივრები?

მთელი ჩემი ოჯახი მგულშემატკივრობს.

. როგორ ფიქრობთ, ხასიათის რა თვისებებს უყალიბებს სპორტსმენს რაგბი?

პირველ რიგში, შრომისმოყვარეობას და ამავე დროს ერთობლიობისადმი სიყვარულს, მეგობრობას აჩვევს.

. დაასახელეთ ის მთავარი თვისებები, რომლებიც სპორტის ამ სახეობაში წარმატების მისაღწევადაა საჭირო.

მიზანსწრაფულობა და შრომისმოყვარეობა.

. არის თუ არა რაგბის სათამაშოდ განსაკუთრებული მონაცემები აუცილებელი? თუ მონდომებისა და დიდი შრომის შემთხვევაში ყველას შეუძლია სასურველი შედეგის მიღწევა?

კარგი მონაცემები დამატებითი პლიუსია, თუმცა დიდი შრომა და მონდომებაა გადამწყვეტი.

. თუ არის რამე, რაზეც სპორტული ცხოვრების გამო უარის თქმა მოგიხდათ?

ცხოვრების ჯანსაღი წესი თავისთავად ითხოვს გარკვეულ შეზღუდვებს, თუმცა ვერ გეტყვით, რომ ეს აკრძალვები მტანჯველია.

. მთავარი პროფესიული მიზანი?

წარმატება – ამ სიტყვის უნივერსალური მნიშვნელობით.

. თავისუფალ დროს როგორ ატარებთ? ჰობი თუ გაქვთ?

იშვიათად მაქვს თავისუფალი დრო და, თუ მაქვს, მეუღლესთან ერთად ვმოგზაურობ.

. როგორი წარმოგიდგენიათ თქვენი ცხოვრება, როცა დადგება დღე და რაგბის აღარ ითამაშებთ?

ჯერ არ წარმომიდგენია და ამ ეტაპზე არც მინდა ამაზე ფიქრი.

ფოტო: გოგიტა ბუხაიძე