#რაგბიჩვენითამაშია?

დავით კაჭარავა

. როგორ, რა ასაკში, ვისი დამსახურებით დაუკავშირდა თქვენი ცხოვრება სპორტის ამ სახეობას?

8 წლის ვიყავი. მაშინ ჩოგბურთზე დავდიოდი. ჩემი ძმა თავისმა კლასელმა, ზუკა შენგელიამ რაგბიზე შეიყვანა. ერთხელ მეც გავყევი ვარჯიშზე და იქიდან დაიწყო,- ჩამითრიეს მეც.

. პირველი მნიშვნელოვანი წარმატება გაიხსენეთ.

პირველი უმნიშვნელოვანესი წარმატება ჩემს კარიერაში 2007 წელს რაგბის მსოფლიო თასზე ირლანდიასთან თამაში იყო.

. ვინ არიან თქვენი ყველაზე დიდი გულშემატკივრები?

ყველაზე მეტად ოჯახის წევრები მგულშემატკივრობენ.

. როგორ ფიქრობთ, ხასიათის რა თვისებებს უყალიბებს სპორტსმენს რაგბი?

სიმამაცეს, თავდადებას, დისციპლინას, მოწინააღმდეგისა და თანაგუნდელის პატივისცემას.

. დაასახელეთ ის მთავარი თვისებები, რომლებიც სპორტის ამ სახეობაში წარმატების მისაღწევადაა საჭირო.

შრომისმოყვარეობა და ანალიზის უნარი. ხშირად შრომა და მონდომება გადამწყვეტ როლს თამაშობს სპორტსმენის კარიერაში, თუმცა იღბალი და ნიჭიც უნდა გავითვალისწინოთ.

. არის თუ არა რაგბის სათამაშოდ განსაკუთრებული მონაცემები აუცილებელი? თუ მონდომებისა და დიდი შრომის შემთხვევაში, ყველას შეუძლია სასურველი შედეგის მიღწევა?

ყველაფერს მონდომება და დაუზარელი შრომა წყვეტს.

. თუ არის რამე, რაზეც სპორტული ცხოვრების გამო უარის თქმა მოგიხდათ?

უამრავ რამზე ვთქვი უარი სპორტის გამო. პირველ რიგში იმაზე, რასაც გართობას ვეძახით, მაგრამ წამითაც არ ვნანობ.

. მთავარი პროფესიული მიზანი?

2019 წლის რაგბის მსოფლიო თასზე ჯგუფთან ერთად გასვლა.

. თავისუფალ დროს როგორ ატარებთ? ჰობი თუ გაქვთ?

დრო ცოტა მაქვს და ვცდილობ, ოჯახთან ერთად გავატარო. მიყვარს ელექტრონული მუსიკა.

. როგორი წარმოგიდგენიათ თქვენი ცხოვრება, როცა დადგება დღე და რაგბის აღარ ითამაშებთ?

ძალიან რთულად და ხშირად ვფიქრობ, რა ამინაზღაურებს იმ ემოციებს, რაც თამაშს მოაქვს… ჯერ არ ვიცი.

ფოტო: გოგიტა ბუხაიძე