ახალ წლამდე სულ ორი კვირაღა დარჩა, თუ ჩვენს ყოველკვირეულ რუბრიკაში ჯერ კიდევ არ გიპოვნიათ სასურველი ნივთი, არ დანებდეთ. აი, შემდეგი 12 საჩუქრის სიაც:
ნელ-ნელა უფროდაუფრო იკლებს ტემპერატურა და ბავშვების ეზოში გაშვებისას სინდისი გვაწუხებს. მარტოც ხომ ვერ დავსვამთ სახლში, Fortnite-ს არ მოსწყდებიან. თუ გინდათ შვილს, მის მეგობარს და მეგობრის მშობელს გული გაუხაროთ, ,,თამაშობანა”-ს პროდუქცია, ჩვენი აზრით, ძალიან გამოგადგებათ.
ყოველგვარი ხაზვის, ჯღაპნის და ჭრა-კერვის გარეშე, მზა ფურცლები თავისი ინსტრუქციით და ოთხი კალმით. 1, 2, 3, 4, 5, 6, 7, 8… სტოპ!
დაწერაზე ჭიდაობის პრობლემა გადაჭრილია – ნაკრებში შედის ლამაზი, ქართული კარტი, დახაზული ბლოკნოტი, კალამი და თუ არსებობს ვინმე, ვინც ამ თამაშის წესები არ იცის, მისთვის – ინსტრუქცია.
პროექტის #წერექართულად და თამაშობანას ერთობლივი ნამუშევარი, რომელიც ძველი აფორიზმების ჩვენთვის შეხსენებას, შვილებისთვის კი სწავლებას ემსახურება.
https://startuperi.ge/ka/startups/shps-Tamashobana
გქონიათ მომენტი როდესაც თქვენი ფეხსაცმელი ძალიან მოგწონთ, მაგრამ თან ირგვლივ ყველას აცვია და არ გინდათ მასას შეერიოთ? მაგალითად, ადიდასის სუპერსტარები ან თეთრი სტენ სმიტები გამოიწერეთ და სანამ ჩამოვიდოდა ქუჩაში რვა კაცზე ნახეთ და მიხვდით რო პაპსაა? კარგი ლუქი დეტალებით იქმნება და როგორც ბრჭყვიალა წინდას შეუძლია მთლიანად შეცვალოს და გაალამაზოს თქვენი ჩაცმულობა, ასევე შეუძლია თასმას. ეს ჩვენი ახალი აღმოჩენაა:
ბევრი ლაპარაკი არ უნდა, რომ თეთრი სუპერსტარები ამ თასმასთან ერთად სულ სხვა იქნება, მაგრამ კარადას თუ გამოაღებთ, იქნებ, სხვა ფეხსაცმელსაც მოუხდინოთ.
ჩვენ ცნობილი ზამშის სტენ სმიტებს გავუყრიდით ამ თასმას, თუმცა, ნებისმიერ წითელ ან ღია ვარდისფერ ფეხსაცმელს მოუხდებოდა.
ეს ცოტა სხვა ოპერაა. ლურჯი ან თეთრი კონვერსების პატრონს ბევრი ფიქრი არ სჭირდება იმაზე, შეიძინოს თუ — არა.
https://startuperi.ge/ka/startups/Walter-s-Lace
ამ სტარტაპის პროდუქტების არსენალში ახალი წლისთვისაც იპოვით საჩუქარს და ნოვოსელიისთვისაც. ,,ლუმოსი” იმ ადამიანების გემოვნებას ერგება, ვისაც ავეჯზე ზიზილ-პიპილოები დიდად არ იზიდავს და ოთახის მინიმალისტურ აქსესუარებს ქმნის.
ცხადია, როდესაც ბრენდს ,,ლუმოსი” ჰქვია, არც ჰარი პოტერის გარეშე ჩაივლის ამბავი და არც – განათების. თუმცა, ამით არ შემოიფარგლებიან:
ვისაც აზიური კულტურა უყვარს და კედელთან შესავსები ადგილი აქვს.
https://startuperi.ge/ka/startups/lumosi—Lumos
შოკოლადის ნამდვილი მოყვარული მხოლოდ სნიკერსით და ტვიქსით ვერასოდეს დაკმაყოფილდება: მას მრავალფეროვნება და ახალი გემოები სჭირდება. გინდათ, გაგიზიაროთ, ჩვენ როგორ ვაბედნიერებთ ჩვენს ასეთ მეგობრებს? შიკოლი. ეს არტიზანული შოკოლადის კომპანიაა, რომელიც გემოსთან ერთად, პროდუქტის ხარისხზე და ესთეტიურ მხარეზე თანაბრად ზრუნავს.
აქ არის შოკოლადის სამი სახეობა: შავი, რძიანი და თეთრი შოკოლადი სხვადასხვა თხილეულით, ჩირით და სუბლიმირებული ხილით, რათა ჩავიტკბარუნოთ პირი.
ნატურალურ თაფლზე და კაკაოს ცხიმზე მზადდება. თუ ცდილობთ მხოლოდ ჯანმრთელი საკვები მიიღოთ, რატომაც არა?
გვხვდება შიგთავსები, როგორიცაა ლურჯი მოცხარი, პიტნა, მარწყვი, ჩიტის რძე და ყველა არაამქვეყნიური გემო.
https://www.startuperi.ge/ka/startups/shikoli