თუ ახალ-ახალ აქსესუარებს ეძებთ, თქვენთვის მშვენიერი სიახლე მაქვს. გაგაცნობთ ორ სტარტაპს, რომლებიც ორიგინალურ, საინტერესო და თქვენს გემოვნებაზე ზუსტად მორგებულ აქსესუარებს შემოგთავაზებენ.
ორივე მათგანი ჩართულია თიბისი სტარტაპერის პროგრამაში.
თიბისი სტარტაპერი თიბისი ბანკის ის წარმატებული პროგრამაა, რომელიც დამწყებებს ეხმარება იდეის სწორი მიმართულებით განვითარებაში, დახვეწასა და მისი საბოლოოდ ძლიერ, საინტერესო და მოთხოვნად პროდუქტად, ან სტარტაპად ქცევაში.
პროგრამა გათვლილია სტარტაპებისთვის, ანუ ახალშექმნილი ბიზნესისთვის, რომელიც ზრდის ფაზაში არიან. მათ თიბისი, სხვა შესაძლებლობებთან ერთად, საოპერაციო პროდუქტებზე შეღავათისა და სესხის აღების საშუალებას აძლევს.
პირველი სტარტაპია ‘კუსკუსა’
ეს ის მცირე ზომის ბიზნესია, რომელიც თქვენს ხელებს ყველაზე უკეთ დაამშვენებს. ვერცხლის აქსესუარები, თქვენი გემოვნებისა და ხედვის მიხედვით შექმნილი სამკაულები და განსხვავებული, ორიგინალური სტილი.
‘კუსკუსა’ ვერცხლის ხელნაკეთი ბეჭდების სტარტაპ ბრენდია. თითოეული ნამუშევარი იქმნება ქალბატონების ხასიათის მიხედვით. კუსკუსა თავისუფალი, ქარიზმატული და მიმზიდველია. დიზაინი არ მეორდება და ექსკლუზიურია.’ – ვკითხულობთ სტარტაპის აღწერაში.
მეორე კი – ‘მარიანო’
მარიანო სამკაულების სტარტაპია, რომელმაც ყველაზე უკეთ იცის თუ რა სეზონზე, რა ჩაცმულობასა და რა ხასიათზე როგორი აქსესუარი გესაჭიროებათ.
“სპილენძისა და ბუნებრივი ქვებისაგან “Wire wrap” ტექნოლოგიით დამზდებული ხელნაკეთი სამკაულები . ჩვენი პროდუქციის შეძენა შეგიძლიათ სახელოსნოში, ონლაინ ვებ-გვერდიდან და სხვადასხვა გამოფენა-გაყიდვებზე.” – ვკითხულობთ სტარტაპის დახასიათებაში.