ზურაბ წერეთლის თანამედროვე ხელოვნების მუზეუმში 15 მაისიდან იხსნება ზურაბ წერეთლის პერსონალური გამოფენა “ჩარლი ჩაპლინი თბილისში”.
დამთვალიერებელს შესაძლებლობა ექნება მხატვრის მიერ წლების განმავლობაში შექმნილი 80-მდე ნამუშევრის ხილვის. ნამუშევრები შესრულებულია, როგორც ზეთში, ასევე – გრაფიკაში.
საინტერესოა, რომ აღნიშნულ გამოფენაზე წარმოდგენილი იქნება, ასევე ხელოვანის მიერ 2011 წელს შექმნილი ბრინჯაოს ქანდაკება, რომლის ასლიც ზურაბ წერეთელმა მოგვიანებით ჩარლი ჩაპლინის შვილს გადასცა.
აღნიშნული გამოფენა ეძღვნება ჩარლი ჩაპლინის დაბადებიდან 130 წლისთავს.
