სინტია ნიქსონი 15-წლიანი პაუზის შემდეგ HBO-ზე ახალი სერიალით ბრუნდება

Sex And The City-ის ვარსკვლავი სინტია ნიქსონი ტელეეკრანს უბრუნდება. მსახიობი HBO-ს ახალ პროექტში The Gilded Age ერთ-ერთ მთავარ როლს შეასრულებს. 

სინტიასთან ერთად შოუში ვიხილავთ კრისტინ ბარანსკის და ამანდა პიტს. 

სერიალის სიუჟეტი 1880-იანი წლების ნიუ-იორკში ვითარდება და მდიდარი ოჯახების ურთიერთობების შესახებ მოგვითხრობს. იმაზე, თუ როგორ იბრძვიან ისინი გავლენის სფეროების გადასანაწილებლად. 

ნიქსონისთვის ეს HBO-ზე 15-წლიანი პაუზის შემდეგ პირველი სერიალია. გარდა ამისა, სულ მალე ის ნეტფლიქსზე რაიან მერფის ახალ შოუში ითამაშებს. სერიალი მედდა რეჩედის შესახებ მოგვითხრობს, მთავარ როლს კი სარა პოლსონი ასრულებს.