ისლანდია — ნახეთ, როგორ გამოიყურება ზამთარში ევროპის ყველაზე ბედნიერი ქვეყანა

ევროპის ბედნიერების ინდექსის თანახმად, ისლანდია ევროპაში ყველაზე ბედნიერ ქვეყნად არის აღიარებული. ევროპის ყველაზე მცირერიცხოვანი ქვეყანა, სადაც მხოლოდ 300 ათასი ადამიანი ცხოვრობს, ჩვენს წარმოდგენაში ვიკინგებთან, ელფებთან და ზღაპრულ ბუნებასთან ასოცირდება. 

ერთ-ერთი მოგზაური სულ ცოტა ხნის წინ ეწვია ამ ზღაპრულ ქვეყანას და საკუთარი გამოცდილება და შთაბეჭდილებები BoredPanda-ს მომხმარებლებს გაუზიარა.

როგორც ბლოგერი ამბობს და როგორც ამას თავადაც ხედავთ, ისლანდია ზამთარში განუმეორებელია: თოვლი, ულამაზესი ხედები, უზარმაზარი ჩანჩქერები, გეიზერები, ყინულის გამოქვაბულები. 

აქვე შეგიძლიათ იხილოთ ვიდეოც:

ისე კი თუ ისლანდიაში მოგზაურობას აპირებთ, გეტყვით, რომ:

  • ისლანდია ვულკანური წარმოშობის ყველაზე დიდი კუნძულია მსოფლიოში;
  • ამ ქვეყანაში ვერ შეხვდებით მაკდონალდსის რესტორნებს;
  • ისლანდიაში მსოფლიოში ყველაზე სუფთა ჰაერია;
  • პოლიციელები იარაღს არ ატარებენ, რადგან ამ ქვეყანაში ცხოვრება ყველაზე უსაფრთხოა მსოფლიოში;
  • აქ თითქმის არ არის მსხვილი ქარხნები, სახლები კი გეოთერმალური წყლით თბებიან;
  • “ევროპის ბედნიერების ინდექსის” სათავეში ყოფნა უკვე ბევრს ამბობს ქვეყანასა და მისი განვითარების დონეზე.