Apple-მა ახალი თაობის iPad Pro წარადგინა

Apple-მა საზოგადოებას ახალი თაობის ტაბლეტი წარუდგინა – 2020 წლის iPad Pro ჯერჯერობით ყველაზე მძლავრი და ძვირადღირებული ტაბლეტია ეფლის პროდუქტებს შორის. მას ახალი ჩიპი, კამერის ულტრაფართოკუთხოვანი ობიექტივი და  პროფესიონალური მიკროფონები ექნება.

რაც მთავარია, ახალი iPad Pro შეიძლება გამოყენებულ იქნას ახალ Apple Magic კლავიატურასთან ერთად. ეს უკანასკნელი კი iPad Pro- ს, ფაქტობრივად, MacBook-ად გადააქცევს.

iPad Pro-ს ახალი მოდელის ერთ-ერთი მთავარი დამატება, LiDAR სკანერია, რომელიც უკეთესი 3D სკანირებისთვის შეიძლება გამოვიყენოთ.ახალი სკანერი ზომავს მანძილს მიმდებარე ობიექტებიდან 5 მეტრამდე დაშორებით და მუშაობს როგორც შენობაში, ისე მის გარეთ.

ახალი iPad Pro ხელმისაწვდომი ოთხშაბათიდან იქნება და მისი გასაყიდი ფასი $800-დან იწყება.