Google-ისა და YouTube-ის ახალი რესურსები ვირტუალური სწავლებისთვის

Google-ია და YouTube-მა შექმნეს ახალი სერვისები, ონლაინ გვერდების სახით, რომლებიც მასწავლებლებსა და მოსწავლეთა ოჯახებს დაეხმარება, რომ მოსწავლეებს სახლის პირობებში მისცენ განათლება, მანამ, სანამ ისინი სახლში იმყოფებიან პანდემიისგან შექმნილი ვითარების გამო.

Photo Credits to Google

Google-ის ვებ-გვერდი, სახელად Teach From Home (ისწავლე სახლიდან) მასწავლებლებს სთავაზობს რეკომენდაციებს დისტანციურ სწავლებასთან დაკავშირებით, Google-ის პროდუქტების გამოყენებით. ამჟამად ვებ-გვერდს გააჩნია Hangout-ის საშუალებით ვიდეო ზარების განხორციელებისა და Google Forms-ის გამოყენებით ონლაინ ქვიზების ჩატარების ფუნქციონალი. Google-ის თანახმად, ვებ-გვერდი დროის კვალდაკვალ განაგრძობს განვითარებას. კომპანიის მიერ შემოთავაზებული აღნიშნული სერვისი, ამჟამად, მხოლოდ ინგლისურ ენაზეა ხელმისაწვდომი.

YouTube კი მომხმარებელს სთავაზობს სერვისს – Learn@Home , რომელშიც კატალოგიზირებულია ის ძირითადი საგანმანათლებლო არხები, რომელთა ყურებაც მოსწავლეებს სახლიდან გაუსვლელად შეუძლიათ. ვებ-გვერდზე არხები სხვადასხვა კატეგორიადაა დაყოფილი, მათ შორის: არხები, რომლებიც რეკომენდებულია ოჯახებისთვის, სადაც 13 და მეტი წლის ასაკის ბავშვები არიან, არხები ოჯახებისთვის, რომელთაც 5 და მეტი წლის ასაკის ბავშები ჰყავთ და არხები მათთვის, ვისაც ოჯახში სკოლამდელი ასაკის ბავშვები ჰყავთ. ამჟამად აღნიშნული სერვისიც მხოლოდ ინგლისურ ენაზეა ხელმისაწვდომი.

წყარო: The Verge