ვიტალი საფაროვი გრეტა ტუნბერგთან და ბერტა კასერესთან ერთად ჰააგის უნივერსიტეტის კედელზე დახატეს

ჰააგის გამოყენებითი მეცნიერებების უნივერსიტეტის ერთ-ერთ შენობაზე, აქტივისტ გრეტა ტუნბერგთან და გარემოსდამცველ ბერტა კასერესთან ერთად, ვიტალი საფაროვი დახატეს. ნახატი შეიქმნა ორგანიზაცია Justice and Peace Netherlands ინიციატივით, ჰააგის უმაღლესი სკოლის სტუდენტების მიერ და ქალაქის მუნიციპალიტეტის მხარდაჭერით. ნახატის ავტორია ქუჩის მხატვრების დუეტი Karski & Beyond. როგორც ჰააგის უნივერსიტეტი წერს: „გრეტა ტუნბერგი, ბერტა კასერესი და ვიტალი საფაროვი კლიმატის, თავისუფლებისა და თანასწორობისადმი თავდადებულები არიან. ეს არის პატივისცემა სამი ადამიანისადმი, ვინც დაამტკიცა, რომ ცვლილების მიღწევა შესაძლებელია.“

17 წლის აქტივისტი გრეტა ტუნბერგი გარემოს დაცვისთვის იბრძვის, ბერტა კასერსკი კი წლების განმავლობაში იბრძოდა ჰონდურასის აბორიგენი მოსახლეობის უფლებების დასაცავად, იგი 2016 წელს მოკლეს. ვიტალი საფაროვი აქტიურად იყო ჩართული რასიზმის, ქსენოფობიისა და დისკრიმინაციის წინააღმდეგ შექმნილ პროექტებში. იგი არასამთავრობო ორგანიზაცია „ჩართულობის და განვითარების ცენტრში“ მუშაობდა. უფლებადამცველი ვიტალი საფაროვი 2018 წლის 30 სექტემბერს, 25 წლის ასაკში მოკლეს.

Art on the wall! On the outside of our building, next to cafe Siezo, artist duo Karski & Beyond has created an artwork…

Posted by The Hague University of Applied Sciences on Thursday, May 14, 2020