ჯესიკა ალბა თრილერში „Trigger Warning“ მთავარ როლს შეასრულებს

მოული სურიას ფილმში სახელად „Trigger Warning“ ჯესიკა ალბა მთავარ როლს შეასრულებს. ფილმი მოგვითხრობს ომის ვეტერანზე, რომელსაც ომის შემდეგ ფსიქოლოგიური ტრავმა დარჩა. იგი მემკვიდრეობით ბაბუის ბარს მიიღებს და დადგება მორალური დილემის წინაშე, როდესაც ბაბუის გარდაცვალების ნამდვილ მიზეზს შეიტყობს.

Photo Credits to Gregg DeGuire

ფილმის სცენარზე ჯოშ ოლსონმა და ჯონ ბრანკატომ იმუშავეს, ხოლო პროდიუსერი ბეზილ ივანიკია, მისი კომპანია Thunder Road ცნობილია ისეთი ფილმებით, როგორებიცაა „John Wick“ და „The Town“. „Trigger Warning“-ზე დიდ იმედებს ამყარებენ, განიხილება იმის შესაძლებლობაც, რომ ფილმს გაგრძელება ექნება.