კორონავირუსის პანდემიის კვალდაკვალ ქალაქ ბერლინის ზოგიერთი კლუბი მუშაობას აახლებს, თუმცაღა იმ აკრძალვით, რომ ცეკვა დაუშვებელი იქნება.
რამდენადაც Mixmag იტყობინება, ბერლინის იმგვარი კლუბები, როგორებიცაა Sisyphos, Birgit & Bier, და Rummels Bay მომხმარებლებს ღია სივრცეში გაუმასპინძლდებიან საკვებითა და სასმელებით. მიუხედავად იმისა, რომ ზემოაღნიშნულ ბარებში მუსიკა, ჩვეულებისამებრ, დაუკრავს, ცეკვა აკრძალული იქნება.
ამას გარდა, კლუბები სხვა უსაფრთხოების ზომებსაც დაიცავენ – მომხმარებლები და კლუბების თანამშრომლები ვალდებული იქნებიან, რომ სახის ნიღბები ატარონ.
კორონავირუსის პანდემიის გამო ბერლინის არაერთმა კლუბმა იზარალა. მიუხედავად ამისა, ბერლინის ზოგიერთი კლუბმა, მათ შორის – Yaam-მა, რომელიც ერთ-ერთ დიდ სივრცეს ფლობს ბერლინის სხვა კლუბებთან შედარებით, ამჯობინა, რომ არ გაიხსნას. მისი წარმომადგენლის თანახმად, ამ პირობებში კლუბის გახსნა ეკონომიკურად არამომგებიანია.