ტომ იორკმა „Tomorrow’s Modern Boxes“ ტურნეს ახალი თარიღები გაავრცელა

ტომ იორკმა, როგორც მრავალმა სხვა მუსიკოსმა, წლევანდელი ტურნე კორონავირუსის გამო გადადო და ახლახან მისი ჩატარების ახალი თარიღები გაავრცელა.

რედიოჰედის მომღერლის სოლო ტურნე „Tomorrow’s Modern Boxes“ წელს, სექტემბრის ბოლოს დაიწყება ა.შ.შ.-ში და ევროპასა და ბრიტანეთში 2021 წლის ივნისსა და ივლისში ჩატარდება.

აღსანიშნავია, რომ იორკმა ახლახან გაავრცელა პირველი ერთსაათიანი მიქსი სონოს რადიოზე, რომელშიც ჯეიმს ბლეიკის და Little Simz-ის მუსიკებიც შედის. სეტის ნახვა 27 მაისამდე იქნება შესაძლებელი.

რაც შეეხება თავად ჯგუფ რედიოჰედს, ისინი 2020 წელს ახალი მუსიკის გამოშვებას არ გეგმავენ.