2020 წლის კრეატიული ნაქარგი ნამუშევრები

Photo: Kayra Handmade

კორონავირუსის პანდემიამ არაერთი შეზღუდვა წარმოქმნა. თუმცა, შექმნილი სიტუაცია არტისტების კრეატიულობაზე ნაკლებად აისახება, რადგან მათ შეუძლიათ, რომ სახლიდან გააგრძელონ კრეატიული ნამუშევრების შექმნა. მიუხედავად იმისა, რომ ქარგვას დიდი დრო სჭირდება, მიღებული შედეგი ყველასთვის შთამბეჭდავია. სტატიაში წარმოგიდგენთ 2020 წლის საუკეთესო ნამუშევრებს.

ჯურა გრიკის ნამუშევარი

Photo: Jūra Gric

არტისტი ლიეტუვაში მოღვაწეობს და როგორც აღნიშნავს, მისთვის ინსპირაციის წყარო მის სახლთან მდებარე ტყეები იყო. მისი თქმით, არასდროს ფიქრობს, რომ დროს არაპროდუქტიულად ხარჯავს, პირიქით ის სიამოვნებას იღებს ქარგვით.

SEW Beautiful ნამუშევარი

Photo: Sew Beautiful

დიდ ბრიტანეთში მოღვაწე არტისტი 3D ნამუშევრებზე მუშაობს და სწორედ ამიტომ გახდა პოპულარული. მის მიერ შექმნილი ნიმუშები ძალიან რეალისტურია და ვიზუალურად ძალიან ლამაზი.

ჯორჯ ემერის ნამუშევარი

Photo: Georgie Emery

ბრიტანელმა არტისტმა ჯორჯ ემერიმ რეალისტური პეპლები შექმნა. ნამუშევარი ძირითადად სტაფილოსფერ, წითელ და თეთრ ფერებშია.

ლუდმილა პერევალოვას ნამუშევარი

Photo: Ludmila Perevalova

ძალიან ბევრი ადამიანი იმპრესიონიზმით არის გატაცებული და ეს დღემდე გრძელდება. ლუდმილა პერევალოვაც მათ შორისაა, მისთვის ინსპირაციის წყარო მე-19 საუკუნე იყო, როდესაც ამ ნამუშევარს ჰქმნიდა.

Desert Eclipse Studio-ს ნამუშევარი

Photo: Desert Eclipse Studio

ეს ნამუშევარი სტუდიის არტისტს, მარიას ეკუთვნის, რომელიც გამოირჩევა მისი რეალისტურობით და უცხო სტილის შერჩევით.

ვიქტორია როუზ რიჩარდსის ნამუშევარი

Photo: Victoria Rose Richards

არტისტმა შედეგის მისაღწევად არაერთი ტექნიკა გამოიყენა და დიდი დრო დახარჯა ამ ნამუშევრის შესაქმნელად. მისი ინსპირაციის წყარო კი ინგლისი და მისი მშობლიური მხარე იყო.