ბრიტანელი სტუდენტები Fake News-ის წინააღმდეგ

მაშინ როდესაც სოციალური ქსელით უამრავი ადამიანი სარგებლობს, ადვილია გაავრცელო ინფორმაცია, რომელიც რეალობას მთლიანად ან ნაწილობრივ ჩამოშორებულია. დღესდღეობით ე.წ. “ფეიქ ნიუსი” პრობლემას წარმოადგენს, რადგან ერთი შეხედვით უვნებელმა ტყუილმა, რომელიც ყოველდღიური ინფორმაციის ნაკადში გვხვდება, შეიძლება უდიდესი გავლენა იქონიოს სოციალურ თუ პოლიტიკურ საკითხებზე.

სწორედ ყალბ ინფორმაციასთან ბრძოლის მიზნით ბრიტანეთში, Sixth Form Colleges Association (SFCA)-მა ონლაინ გამოფენა გამართა, სადაც 250-მდე სტუდენტის ნამუშევარი იყო წარმოდგენილი. გამოფენა ასახავს, თუ როგორი დამოკიდებულება აქვთ ახალგაზრდებს ყალბი ინფორმაციის მიმართ და როგორ ახერხებენ თანამედროვე სამყაროში არსებულ უამრავ ინფორმაციაში იმის გარკვევას, თუ რა არის სიმართლე და რა – არა.

In the Shadow of the Mushroom Cloud, by Edan Wilson from Barnsley Sixth Form College

ასევე მნიშვნელოვანია ქვევით მოცემული ნამუშევარიც, რომელშიც არაფერი იქნებოდა საეჭვო, რომ არა სურათში მყოფი ადამიანებისთვის ოსტატურად დაფოტოშოპებული პირბადეები, რაც კიდევ ერთხელ გვახსენებს, თუ რა მარტივია თანამედროვე ტექნოლოგიების დახმარებით ნებისმიერი ინფორმაციის გაყალბება.

Fake News, by Mia Bartholomew from Cirencester College

გამოფენაზე წარდგენილი სხვა ნამუშევრების ნახვა შეგიძლიათ საიტზე – https://www.sixthformcolleges.org/1551/sfca-art-exhibition-2021-fake-news