Undercurrent – გამოფენა კლიმატის ცვლილების შესაჩერებლად

Undercurrent ღონისძიებაა, რომლის დებიუტი 9 სექტემბერს შედგა და მალევე მიიპყრო საზოგადოების ყურადღება. მის შექმნაში ორმოცზე მეტი ცნობილი ხელოვანი მონაწილეობდა, რომელთა შორისაც არიან – Grimes, Bon Iver, The 1975, Miguel.

Grimes. Courtesy of Undercurrent.

ღონისძიება კლიმატის ცვლილების შესახებ ცნობიერების ამაღლების მიზნით შეიქმნა და მის ფარგლებში ბრუკლინში 11 აუდიოვიზუალური ინსტალაცია განთავსდა. აღსანიშნავია, რომ თითოეული ინსტალაცია გარემოსდაცვით არაკომერციულ ორგანიზაციებთან – Kiss The Ground (აკოცე მიწას), Ocean Conservancy (ოკეანის დაცვა) და Global Forest Generation (მსოფლიო ტყის თაობა) – თანამშრომლობით შეიქმნა.

ერთ-ერთი ორგანიზატორის თქმით, გამოფენის მიზანია წარმოადგინოს ისეთი ხელოვნების ნიმუშები, რომლებიც ადამიანს ცვლილებების აუცილებლობას დაანახებს და ცხოვრების მნიშვნელობაზე დააფიქრებს. ხელოვანები ამ ყველაფერს განსხვავებული გზებით ცდილობენ. მაგალითად, კანადელი პროდიუსერი DJ Jayda G-მ სპეციალურად ღონისძიებისთვის ვიდეოთამაში შექმნა, რომელიც აგრარული სფეროს შენარჩუნების საკითხზე ორიენტირდება. მოთამაშე ორი ბილიკიდან ერთ-ერთს ირჩევს, რითაც ორ სრულიად განსხვავებულ რეალობაში ვხვდებით. ერთ შემთხვევაში ადამიანმა ბუნება დაივიწყა, რის გამოც სამყარო განადგურდა, მეორე შემთხვევაში კი – ადამიანი ზრუნავს გარემოზე და ყველაფერი ერთმანეთთან ჰარმონიაშია.

Undercurrent
Undercurrent / Jayda G

აღსანიშნავია ისიც, რომ გამოფენიდან მიღებული თანხის ნაწილი გარემოსდაცვით ორგანიზაციებს გადაეცემა.