ევროვიზიის სიმღერის კონკურსზე გერმანიის წარმომადგენილი მალიკ ჰარისი იქნება სიმღერით „Rockstars”. წარმომადგენლის ასარჩევად გერმანიაში ნაციონალური კონკურსი „Germany 12 points” ჩატარდა, რომელშიც 6 შემსრულებელი მონაწილეობდა.

საქართველოს წარმომადგენელი 2022 წლის ევორვიზიის სიმღერის კონკურსზე ბენდი “Circus Mircus”იქნება. ბენდი საქართველოს წარმომადგენლად ჯერ კიდევ 2021 წლის ნოემბერში გამოცხადდა, მაგრამ მათი სიმღერა „Lock Me In” 2022 წლის მარტში გამოვიდა.

დანიის ნაციონალური კონკურსის „Dansk Melodi Grand Prix 2022”-ის გამარჯვებული ბენდი Reddi გახდა. გამარჯვებული მთლიანად ტელემაყურებლების ხმებით შეირჩა.

ავსტრალიამ თავისი წარმომადგენილი 2022 წლის ევროვიზიის სიმღერის კონკურსისთვის ნაციონალური კონკურსით “Australia Decides”-ით აარჩია. გამარჯვებული, რომელიც შელდონ რაილი გახდა სიმღერით “Not the Same”, ჟიურისა და ტელემაყურებლების ხმებით შეირჩა.

ევროვიზიის კონკურსისთვის შექმნილი სიმღერა „Fulenn” ბრეტონულ, საფრანგეთის დასავლეთ რეგიონის, ენაზე არის შესრულებული და 1996 წლის შემდეგ პირველი სიმღერაა კონკურსში, რომელიც ამ ენაზე შესრულდება.

2022 წელს ევროვიზიის სიმღერის კონკურსი ტურინში გაიმართება. კონკურსში მონაწილეობას 40 ქვეყნის წარმომადგენელი მიიღებს, რომელთა შესახებაც უფრო ვრცლად მონაწილეების ჩამონათვალში მიმაგრებულ სტატიებში წაიკითხავთ.